Stai rispondendo al messaggio di: Felippo Sgruttendio de Scafato
[19-10-2007, a 21:59]
Re: Sfida all'ultimo stornello "DUE"
Ma qualo mal peccato io facietti
ca cheste scempietà àggia suffrire !
chi me tormenta l’anema e lu core
vusciànno commo rinto a musciatòre ?
oppuramente como a na vessìca
m’abboffa e pogne carna com’ortica ?
mango li cani spierzi, eppò a scadenza
ma chi m’ha restinàto suffarenza ?
aggio mai fatto corna o mal riàto ?
re pèreta alloffiose aggiò sparàto ?
salvo la maldiciosa vocca vosta
panza me regge a sfuòrzo fatt’apposta
e arrigrazziando a lo Signore nuosto
conservo mèco ancora frìsco e tuòsto,
e forze chesta è sciorta oppure mmìria
c’a sango ha arrevutato La Valchiria !
Puzziàti scenne rràreche a le cosce
e cresse v’anna n’ate ddoie paposce,
a Pino, Chittepare e a lo Di Rosa
v’àdda succère l’una e l’ata cosa
e a lo Exulcerato uallarùso
cacàsse lo citrato a lu pertùso,
nu vaso corre a zòria e aggio firmato
Felippo so’ Sgruttendio de Scafato.
|
|
